من يوم م عرفتك

من يوم م عرفتك ماعرفتش غيربعد وهجر وضنا وجروح

 من يوم م قابلتك ما قابلتش غيرظلم و غدر و دمع ونوح

 ولا دقت الحب ف دنيا هواك ولا لحظه هنا قضتها معاك

 ماسمعتش كلمه انا بهواك ولاحاجه فى مره ترد الروح

حابّك و ف ننى العين شايلك وبدون ماتنادى بروح جايلك

 وبسيب الدنيا عشان احايلك ومنين ماتروح انا لازم اروح

 وبرغم دا كله مافيش فايده واسوتك يوم ورا يوم زايده

ولاعايز تطفى نارى القايده وتسيب القلب يبات مجروح

 لمّا اطلب نظره حنيه  من عينك بتعاند فيا

 ولا شفتش منها الا اسيه واتوه فى جفاك مطرح ما بروح

 كان قبلا حنان قلبك دافى مهما بتدينى ماكان كافى

ولا كان م السهل كدا تجافى وتسيب القلب  يبات مجروح

لاف مره بدأت بعاد وفراق ولا سيبتك يوم لعيونى تشتاق

وازعل لغيابك مده يوم والاقى القلب ف تانى يوم راق

تجافينى وانا لجفاك حساس طب ليه كدا بس  ياابن الناس

انا قادره اسقيك من نفس الكاس انما ماتهون ياحبيب الروح

محسود فى هواك من كل الناس كان بيغير منى  باقى الاجناس

مش داريين انى مابنعم بيك

وكتير لو جيت لك مش بلاقيك وحنينى وشوقى ما عاد يغريك

وعشان اراضيك تهت ف اراضيك

مدام بتتقل ما تلومنيش

مدام بتتقل ما تلومنيش  ساعه م قابلك ولا حييش

مالوش لزوم التقل ياذوق  والدلال دا مايلزمنيش

دانا ان تقل فى هوايا مخلوق ما احيا فى الدنيا دى ولاعيش

صحيح بسيبك تتدلع واحسسك انى مولع

وافهمك ما بدوقش النوم واكلتى مابتتبلع

لكن ياروحى ف ساعه الجد فى ثانيتين كل دا ينهد

مالوش لزوم التقل ياذوق  والدلال دا مايلزمنيش

دانا ان تقل فى هوايا مخلوق ما احيا فى الدنيا دى ولاعيش

جمالى مش موجود على حد واسوق دلالى مادام ع القد

شفايفى بندق متقشر  ولون خدودى ف لون الورد

وسهله جدا وبسيطه وفى اللزوم ابقى حويطه

مالوش لزوم التقل ياذوق  والدلال دا مايلزمنيش

دانا ان تقل فى هوايا مخلوق ما احيا فى الدنيا دى ولاعيش

اهون عليك ياسيدى الحلوين تعدى ماتقولش ازيك

لزومه ايه دلع الحلوين م انا اعرف ادلع زيك

مادام بحبك وصارحتك بانى بتنشق ريحتك

مالوش لزوم التقل ياذوق والدلال دا مايلزمنيش

دانا ان تقل فى هوايا مخلوق ما احيا فى الدنيا دى ولاعيش

من يوم ما لمحت عينها

من يوم ما لمحت عينها ولا فيش

بينى وبينها يادوب غير خطوتين

اتحيرت ف جمالها قلبى سابنى وجالها

وملانى الشوق حنين

بصت لى الحلوه بصه ورموش

من تحت قصه مكتوب فيهم كتير

خلونى اشتقت ليهم اسكت ولا احكى ليهم

اخدونى ازاى اسير

ساعه م جت سيرتها انا سيبت الكون وجيتها

ناسى الدنيا عشانها

خلتنى اهيم واسرح    خلتنى اطير وافرح

لحظه م لقيت حنانها

مهاجرنى ومش لاقى

مهاجرنى ومش لاقى سبب واحد لهجرانى

مسهرنى ومش قادر  اقول حاجه لاجفانى

مفكرنى على الحيره  حنام  واصحى

محيرنى وافعاله ماهش واضحه

انا حاسس بايه قلبه  ناوىلى عليه

ونيه غدره جوه عنيه  بقت فاضحه

عطيت له فرصه ورا غيرها وقلت استنى لاخرها

ما يمكن ييجى ولا جانى لكن يظهر هوايا اتباع

حقولله وداع م حبك ضاع وانت بقيت عليه جانى

مفكرنى على الحيره حنام واصحى

وان عمايله ويايا  ماهش واضحه

انا حاسس بايه قلبه  ناوى لى عليه

ونيه غدره جوه عنيه  بقت فاضحه

صبرت كتير على غدره ولما يئست باغادره

مهو ماعتدش ع الاخلاص

لقيت نفسى بضيع منى بقى سنى ماهش سنى

وم الاخر زهقت خلاص

مفكرنى على الحيره  حنام واصحى

وان عمايله ويايا ماهش واضحه

انا حاسس بايه قلبه  ناوى لى عليه

ونيه غدره جوه عنيه بقت فاضحه

مين داقو ف يوم لياليك

مين داقو ف يوم لياليك ياهوى بيقولوا عليك وبيحكوا كتير

بيقولوا بديل عن اى دوا  وبيحكوا حاجات ولا فى الفوازير

مش عارفه ان كان دا كلامهم صح  بيداوى الهوى ولا بيجرح

واحترت وعشت سنين اسأل  اقفل باب قلبى ولا افتح ؟؟

وصفوك بكلام ولا فى الاحلام وف وصفك تعبت ياما اقلام

اما انا بقى طبعا مش عارفاك  ولا عشتش  يوم ولا ساعه معاك

علشان ماقابلتش فيك محبوب ولا يوم جربت اهيم ولا ادوب

ولا مره رمانى عليك مكتوب ولا صدفه خدتنى ولا المقادير

بيقولوا بديل عن اى دوا وبيحكوا حاجات ولا فى الفوازير

مش عارفه ان كان دا كلامهم صح بيداوى الهوى ولا بيجرح

واحترت وعشت سنين اسأل اقفل باب قلبى ولا افتح ؟؟

 

بيقولوا الحب قدر ونصيب ماتفرش منه مدام بتعيش

وتقضّى ياعاشق عمرك فيه هيمان فى زمان كدا بعده مافيش

ون عشنا بدونه حياتنا تفوت ليالينا طوال وكلامنا سكوت

والخطوه تضيع وقلوبنا تتوه والبسمه تغيب والضحكه تموت

ما اخبى عليكم ولا اداريش لانا دقت سهر ولا ضاع النوم

علشان ما صادفته وما صادفنيش ولا فات فى حياتى الهوى ده يوم

ولا مره رمانى عليك مكتوب ولا صدفه خدتنى ولا المقادير

مش عارفه ان كان دا كلامهم صح  بيداوى الهوى ولا بيجرح

واحترت وعشت سنين اسأل اقفل باب قلبى ولا افتح ؟