ياشاغله فؤادى بحبك بحبك ومكتوب
عليا
اقاسى هواكى
وياما قابلنى بنات احلى منك ولكن عنيه ما تعشق سواكى
عشان انتى حلوه الحلاوه الطبيعى بدون اى صبغه ولا اى زيف
وويا ابتسامتك يزهر ربيعى ويخضر
زرعى فى عز الخريف
واسمع كلامك بيحلو يومى وبيزيد
جماله وبيفوت لطيف
دى بصه ف عنيكى تنسى الوجود ورمشك بيدبح ولا احمى سيف
عشقت النسيم اللى جاى من قصادك ولحظه
لقاكى بقت عندى كيف
بحلف عيونك باحلى الليالى ماتنسى
هوايا شتا ولا صيف
ولو جيتى يوم وانشغلتى بغيرى
سبينى اعيش جوه قلبك كضيف
لانك ياروحى هوايا ونسيمى وبعدك
عليا
حيبقى مخيف
ليست هناك تعليقات:
إرسال تعليق