انسا اللى فات وارجع لى تانى وتعالى قيد شمع
الوداد
وحقول معاك احلى الاغانى وكأننا عرسان جداد
كانت ما بنا يادوب خطاوى وليه جرينا ورا
البعاد
وكان مابنا ما فيش مسافه حسينا بيها سفر بلاد
هربنا ليه من بعضنا اخدنا ايه من بعدنا
انسا اللى فات وارجع لى تانى وتعالى قيد شمع
الوداد
وحقول معاك احلى الاغانى وكأننا عرسان جداد
كنا زمان فاكر زمان دايما بنشكى ونعترض
ع الهجر بين اتنين عزاز ع البعد لما بيتفرض
دلوقتى لما تروق وتحلا بيعيشو هما فى احلى رحله
وقلوبنا احنا بتعيش فى محنه نشكى لمين اللا
يسامحنا
عايشين ما تفصلشى الخطاوى مننا
تايهين ما نسمعشى الاغانى بالسنه
وقريبين لكن بعاد وطيبين لولا العناد
هربنا ليه من بعضنا اخدنا ايه من بعدنا
انسا اللى فات وارجع لى تانى وتعالى قيد شمع
الوداد
وحقول معاك احلى الاغانى وكأننا عرسان جداد
من غير مانقطف وردنا من قبل ما يضحك لنا
من غير ما يطرح فلنا من قبل ما يسعد بنا
قوتنا الجناين للنوى ورحت هاين ياهوى
سيبناك ياشوك تملا الطرق هنا وهناك
ولا حد فينا يوم جرؤ وراح جناك
خفنا عل الايد تنجرح سيبنا الفراق فينا فرح
هربنا ليه من بعضنا اخدنا ايه من بعدنا
انسا اللى فات وارجع لى تانى وتعالى قيد شمع
الوداد
وحقول معاك احلى الاغانى وكأننا عرسان جداد
ليست هناك تعليقات:
إرسال تعليق